रोहित मृत फेला

नेपालगञ्ज – नेपालगञ्जमा १९ वर्षे किशोर मृत फेला परेका छन् ।
नेपालगञ्ज उपमहानगरपालिका वडा नं. १ को गायत्री मन्दिर नजिकको खाली जमिनमा १९ वर्षीय रोहित थारु मृत भेटिएका हुन् ।
रोहितका परिवार लामो समयदेखि वडा नं. १ मा बसिरहेको थियो । उनीहरुको खास घर बर्दियाको राजापुरमा पर्छ ।
गायत्री मन्दिरको नजिक रहेको खाली जमिनमा रोहित मृत फेला परेपछि प्रहरी टोली घटनास्थलमा पुगेको छ ।
बाँके प्रहरी प्रवक्ता डीएसपी मधुसुदन न्यौपानेले प्रारम्भिक अनुसन्धानमा हत्या गरेर फालेको जस्तो नदेखिएको बताउनुभयो । ‘हाम्रो टोलीले घटनास्थलमा पुगेर अनुसन्धान गरिरहेको छ । प्रारम्भिक अनुसन्धानमा हत्या गरेर फालेकोजस्तो देखिदैन, प्रवक्ता न्यौपानेले भन्नुभयो ।
मंगलबार विहान ८ बजे खेतमा शव देखिएपछि स्थानीयले प्रहरीलाई खबर गरेका थिए ।