रोयल नेपालगञ्ज फुटबल क्लवद्वारा रक्तदान

नेपालगञ्ज – रोयल नेपालगञ्ज फुटबल क्लवले रक्तदान कार्यक्रम गरेको छ ।
जिल्लामा ब्लडको अभावलाई मध्य नजर गरी क्लवले नेपालगञ्ज फुटसल एण्ड रिक्रिएसन सेन्टर, न्यूरोडको खेलमैदानमा रक्तदान कार्यक्रम गरेको हो ।
कार्यक्रममा ३२ जना रक्तदाताले रक्तदान गर्नु भएको रोयल नेपालगञ्ज फुटबल क्लवका अध्यक्ष सूर्यमणि अधिकारीले जानकारी दिनुभयो ।
कार्यक्रममा एन्फा केन्द्रिय सदस्य प्रदेश सिंह राठौरलगायतको उपस्थिति रहेको थियो ।
क्लवको सामाजिक उत्तरदायित्व अन्तर्गत रक्तदान गरिएको र उक्त रगत गरीव, अशक्त, विपन्न वर्गका ब्यक्तिलाई उपलब्ध गराइने क्लवका महासचिव दीर्घराज आचार्यले बताउनुभयो ।
कार्यक्रममा नेपाल रेडक्रस सोसाइटी रक्त सन्चार केन्द्र बाँकेको प्राबिधिक सहयोगमा भएको थियो ।