जानकी गाउँपालिका अध्यक्ष यादवको मृत्यु

नेपालगञ्ज – बाँकेको जानकी गाउँपालिकाका अध्यक्ष रामनिवास यादवको मृत्यु भएको छ ।
गाउँपालिकाका अध्यक्ष यादवको गएराती नर्सिङहोममा मृत्यु भएको हो । गाउँपालिकाका राजनीतिक सल्लाहकार किशोर थापाका अनुसार, प्रेसर लो भएपछि शुक्रबार साँझ ६ बजे अस्पताल लगिएको थियो । राती एक बजे मृत्यु भयो ।
अध्यक्ष यादवको शवलाई विहानै घर लगिएको छ । २०७४ सालको स्थानीय निर्वाचनमा यादवले एमालेबाट चुनाव जितेका थिए ।