दमौली र बैजनाथ विजयी

नेपालगञ्ज – बर्दियाको बाँसगढी नगरपालिका वडा नं. ६, दमौली चलिरहेको क्लवस्तरीय फुटबल प्रतियोगितामा दमौली र बैजनाथ विजयी भएको छ ।
आयोजक दमौली बीले ककौरालाई ३–० गोलले पराजित गरेको छ । दमौलीका लागि उत्सव ढकालले दुई र अनुप गजमेरले एक गोल गरेका थिए ।

अर्को खेलमा बैजनाथले भैसापुरलाई ४–२ गोलले पराजित गरेको छ ।
साउन २५ गतेदेखि सञ्चालन भइरहेको प्रतियोगितामा २१ वटा क्लवको सहभागिता रहेको आयोजक सदस्य लक्ष्मण भुजेलले जानकारी दिनु भएको छ ।