३ सय ४५ वटा बोइलर बरामद

नेपालगञ्ज – सशस्त्र प्रहरीले ठूलो मात्रामा बोइलर कुखुरा बरामद गरेको छ ।
भारतबाट अवैध रुपमा भित्र्याउदै गरेको ३ सय ४५ वटा बोइलर कुखुरा बरामद गरेको हो । सशस्त्र प्रहरी कार्यालय, भवानीयापुरका अनुसार, बिओपी खडैचाले २ सय १३ वटा कुखुरा, सात जना मानिस र सात वटा मोटरसाइकल नियन्त्रणमा लिएको छ । डुडुवा गाउँपालिकाको वडा नं. १ बाट प्रहरीले विहान ६ बजे कुखुरा, मोटरसाइकल र मानिसलाई नियन्त्रणमा लिएको हो । पक्राउ परेका व्यक्तिहरु राप्तीसोनारीका रहेका छन् । सशस्त्र प्रहरीले जयसपुरबाट सय वटा बोइलर कुखुरा र तीन वटा साइकल बरामद गरेको छ । त्यस्तै, बढैया नाकाबाट ३२ वटा कुखुरा बरामद गरेको छ ।
सशस्त्र प्रहरीले बरामद भएको कुखुरा र मानिसलाई क्वारेन्टाइन कार्यालय तथा मोटरसाइकल र साइकललाई भन्सार कार्यालय बुझाएको छ ।