जयकिसान सेमिफाइनलमा

नेपालगञ्ज – जयकिसान स्पोर्टस क्लब ‘ए’ बाँकेको सैनिकमा सञ्चालन भइरहेको प्रथम स्व. श्याम थापा प्रथम स्मृति फुटबल प्रतियोगिताको सेमिफाइनलमा प्रवेश गरेको छ । उसले गुर्भाकोट क्लब सुर्खेतलाई पाखा लगाएको छ ।
जयकिसानका लागि विक्रमसिंह ठकुरीको दुई गोलले आयोजकलाई सेमिफाइनलको यात्रा तय गराएको हो । ठकुरीले ३० मिनेट र ७४ मिनेटमा गोल गरेका थिए ।
प्रतियोगितामा जयकिसानसँगै साहरा एफसी लखनउ, मसुरी एकेडेमी कैलाली र एफएफएसए दाङ सेमिफाइनलमा पुगेका छन् ।
मंगलबार हुने पहिलो सेमिफाइनमा सहारा र मसुरी प्रतिस्पर्धा गर्नेछन् ।