घरमै गाँजाको गोदाम

नेपालगञ्ज – बाँकेको नरैनापुर गाउँपालिका वडा नं. ४, जयरामपुरुवास्थित धनिराम यादवको घरबाट ठूलो मात्रामा गाँजा बरामद भएको छ ।
गोप्य सूचनाका आधारमा इलाका प्रहरी कार्यालय, भोजभगवानपुरबाट खटिएको प्रहरी टोलीले यादवको घरको खानतलासी गर्दा २५ किलो गाँजा बरामद भएको हो । यादवले घरमै गोदाम बनाएर गाँजा राखेका थिए ।
बोरामा प्याक गरेर राखिएको गाँजालाई प्रहरीले नियन्त्रणमा लिदै आवश्यक कारबाही प्रक्रिया अघि बढाएको जनाएको छ ।