८५ वर्षीया बृद्धाले कोरोना जितिन्

नेपालगञ्ज – नेपालगञ्जका ८५ वर्षीया बृद्धाले कोरोनालाई जितेकी छन् ।
कात्तिक २९ गते कोरोना पुष्टि भएपछि कोहलपुर मेडिकल कलेजको आइसोलेसन युनिटमा बसेकी बृद्धाले मंगलबार कोरोना जितेकी हुन् ।
नेपालगञ्जका ७७ वर्षीया बृद्धाले पनि कोरोनालाई जितेकी छन् । उनी होम आइसोलेसनमै बसेकी थिइन् ।
यीसँगै बुधबार २८ जनाले कोरोना जितेका छन् । कोरोना जित्नेमा १३ महिला र १५ पुरुष रहेका छन् ।
जिल्लामा अहिलेसम्म तीन हजार पाँच सय ५८ जनाले कोरोना जितेका छन् । एक सय ५१ जना कोरोनासँग लडिरहेका छन् ।