१९ जनाले कोरोना जिते

नेपालगञ्ज – बाँकेमा बुधबार १९ जनाले कोरोनालाई जितेका छन् ।
कात्तिक २३ कोरोना पुष्टि भएका १२ पुरुष र ७ महिला बुधबार कोरोनामुक्त भएका हुन् । कोरोना पुष्टि भएपछि उनीहरु होम आइसोलेसन, अस्पतालहरुमा बसेका थिए । कोरोना जित्नेमा कोहलपुरका ५ जना, चार जना नेपालगञ्ज, चार जना खजुरा, राप्तीसोनारीका तीन जना, अरु बैजनाथ र दाङका रहेका छन् ।
बाँकेमा अहिलेसम्म तीन हजार तीन सय ९३ जनाले कोरोनालाई जितेका छन् । एक सय ७५ जना आइसोलेसनमा रहेका छन् । केही दिनयता बाँके वा बाहिरी जिल्लाबाट यहाँ उपचार गराउन आएका कोरोना संक्रमितको दैनिकजसो मृत्यु भइरहेको छ । बाहिरी जिल्ला र बाँकेकै गरी अहिलेसम्म ७७ जना कोरोना संक्रमितको मृत्यु भइसकेको छ ।