दुई वर्षीया बालिकाले जितिन् कोरोना

नेपालगञ्ज – नेपालगञ्जमा दुई वर्षीया बालिकाले कोरोनालाई जितेकी छन् ।
कात्तिक १५ गते कोरोना पुष्टि भएकी बालिकाले कोरोना जितेकी हुन् । नेपालगञ्ज–२ की बालिकालाई कोरोना पछि घरमै राखिएको थियो ।
नेपालगञ्ज–४ का ९ वर्षीय बालकले पनि कोरोना जितेका छन् । यी बालक पनि होम आइसोलेसनमा बसेका थिए ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले यी बालबालिकासँगै मंगलबार ३७ जनाले कोरोना जितेको जानकारी दिनुभयो । कोरोना पुष्टि भएपछि अस्पताल र होम आइसोलेसनमा बसेका उनीहरु डिस्चार्ज भएका छन् ।
जिल्लामा अहिलेसम्म तीन हजार एक सय २९ जनाले कोरोनालाई जितेका छन् । दुई सय ७२ जना कोरोनासँग लडिरहेका छन् ।