७४ जना डिस्चार्ज

नेपालगञ्ज – बाँकेमा शुक्रबार ७४ जनाले कोरोनालाई जितेका छन् ।
कात्तिक ४ गते कोरोना पुष्टि भएका ७४ जना दश दिन पुगेपछि डिस्चार्ज भएका हुन् । जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले ४८ पुरुष र २६ जना महिला शुक्रबार डिस्चार्ज भएको जानकारी दिनुभयो ।
कोरोना पुष्टि भएपछि उनीहरु विभिन्न आइसोलेसन सेन्टरहरुमा बसेका थिए । दशैं अझै नसिधिएकाले आज डिस्चार्ज भएकाहरुले टीका लगाउन पाउँनेछन् ।
जिल्लामा अहिलेसम्म दुई हजार सात सय ८६ जना डिस्चार्ज भएका छन् । २ सय ६१ जना आइसोलेसनमा रहेका छन् ।