५१ जनाले कोरोना जिते

नेपालगञ्ज – बाँकेमा बिहीबार ५१ जनाले कोरोनालाई जितेका छन् ।
असोज २२ गते कोरोना पुष्टि भएपछि होम आइसोलेसनदेखि विभिन्न आइसोलेसनमा सेन्टरमा बसेका उनीहरु डिस्चार्ज भएका हुन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले ३६ पुरुष र १५ जना महिला डिस्चार्ज भएको जानकारी दिनुभयो । बिहीबार डिस्चार्ज भएकाहरु कोहलपुर मेडिकल कलेज, आर्मी अस्पताल, होम आइसोलेसनमा बसेका थिए ।
जिल्लामा अहिलेसम्म दुई हजार दुई सय ७८ जना डिस्चार्ज भएका छन् । ५ सय ३४ जना आइसोलेसनमा बसिरहेका छन् ।