४१ जना सन्चो भए

नेपालगञ्ज – बाँकेमा आइतबार ४१ जना डिस्चार्ज भएका छन् ।
भदौ २१ गते कोरोना पुष्टि भएर विभिन्न आइसोलेसनमा बसेका ४१ जना डिस्चार्ज भएको जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले जानकारी दिनुभयो ।
डिस्चार्ज हुनेमा ११ जना प्रहरी रहेका छन् । शनिबार ४३ जना संक्रमित थपिदा आइतबार ४१ जना डिस्चार्ज भएका छन् । थपिने र निको भइ घर जानेको रेसियो मिल्दोजुल्दो देखिन्छ ।
जिल्लामा अहिलेसम्म एक हजार दुई सय ४४ जना डिस्चार्ज भएका छन् । तीन सय ३६ जना आइसोलेसनमा रहेका छन् ।