भण्डारी खतरामुक्त

नेपालगञ्ज – नेपाली क्रिकेट टोलीका सदस्य ललित भण्डारी दुर्घटनामा परेर घाइते भएका छन् । ट्रक र मोटरसाइकल ठोक्किदा गम्भीर घाइते भएका भण्डारीलाई थप उपचारका लागि बाँकेको कोहलपुरमा ल्याइएको छ ।
विहान ३.३० बजे कोहलपुरमा ल्याइएका भण्डारीको दाहिने खुट्टा र हात भाँचिएको छ । सिटी स्क्यान नर्मल देखिएको छ । अस्पतालले भण्डारी खतरामुक्त रहेको जनाएको छ । उनी होसमा आइसकेका छन् ।
आइतबार साँझ धनगढीबाट महेन्द्रनगर जाँदै गरेको से १ ख १३२४ नम्बरको ट्रक र म २ प ४७०५ नम्बरको मोटरसाइकल ठोक्किदा भण्डारी घाइते भएका थिए ।
भण्डारीको शुक्लाफाँटा नगरपालिका वडा नम्बर १० मा बसोबास रहेको छ ।