आइसोलेसनबाट ६ जना निस्किए

नेपालगञ्ज – बाँकेमा आज ६ जनाले कोरोनालाई जितेका छन् ।
नेपालगञ्ज र कोहलपुरका उनीहरु डिस्चार्ज भएसँगै घर जाने तयारीमा छन् । भदौ ८ गते कोरोना देखिएपछि उनीहरुलाई विभिन्न आइसोलेसनमा राखिएको थियो । डिस्चार्ज हुनेमा नेपालगञ्जका चार र कोहलपुरका दुई जना रहेका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले अहिलेसम्म जिल्लामा ८ सय ३१ जना डिस्चार्ज भइसकेका छन् । कोरोना संक्रमितको संख्या एक हजार दुई सय ५१ जना पुगेको छ । ४ सय १३ जना आइसोलेसन सेन्टरमा रहेका छन् ।