कोरोना जित्दै, घर जादै

नेपालगञ्ज – शनिबार कोरोना जितेर १० जना घर फर्किदै छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले नेपालगञ्जका विभिन्न आइसोलेसनबाट १० जना घर जाने तयारीमा रहेको जानकारी दिनुभयो । साउन ३१ गते पोजिटिभ देखिएका १० जना आज डिस्चार्ज भएका हुन् ।
बाँकेमा अहिलेसम्म ७ सय ३ जना डिस्चार्ज भएका छन् । हाल २ सय ६६ जना आइसोलेसन सेन्टरमा रहेका छन् । ९ सय ७५ जना संक्रमित भएका छन् । त्यसमा ६ जनाको मृत्यु भइसकेको छ ।