नौ जना डिस्चार्ज, अब १२ जना बाँकी

नेपालगञ्ज – बाँकेमा थप नौ जनाले कोरोनालाई जितेका छन् । बाँकेका सात र बर्दियाका दुई जना गरी नौ जना आज डिस्चार्ज भएका छन् । उनीहरुलाई घर पठाउने तयारी भएको छ ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले चार जना खजुरा र तीन जना कोहलपुर तथा बर्दियाको बारबर्दिया र गेरुवाका एक÷एक जना डिस्चार्ज भएको जानकारी दिनुभयो ।
बाँकेको आइसोलेसन सेन्टरमा अब १२ जना रहेका छन् । १२ वटा आइसोलेसन सेन्टर रहेको बाँकेमा सात वटा खाली भइसकेका छन् ।