जेसीजद्वारा क्यालेण्डर विमोचन

नेपालगञ्ज – नेपालगञ्ज जेसीजले शनिबार एक कार्यक्रम बीच भित्तेपात्रो (क्यालेन्डर) को विमोचन गरेको छ । जेसीजको सचिवालयमा आयोजित औपचारिक कार्यक्रम बीच क्यालेण्डर विमोचन गरिएको हो ।
नेपालगञ्ज जेसीजका अध्यक्ष प्रज्वल श्रेष्ठको अध्यक्षतामा भएको कार्यक्रममा प्रमुख अतिथि रहेका पूर्व अध्यक्ष तथा पूर्व राष्ट्रिय उपाध्यक्ष पूर्णलाल चुकेले भित्तेपात्राको विमोचन गर्नुभयो ।

कार्यक्रममा प्रमुख अतिथि चुके, पूर्व अध्यक्ष मीना श्रेष्ठ, कार्यक्रम संयोजक रेशमलाल चापागाईं लगायतले जेसीजका गतिविधिका बारेमा बोल्नु भएको थियो । जेसीजको आस्था पाठ जुनियर जेसीका कार्यकारी उपाध्यक्ष पूजा केसीले गरेको कार्यक्रममा नेपालगञ्ज जेसीजका निवर्तमान अध्यक्ष रत्नकाजी शाक्य, पूर्व अध्यक्षहरु मीना श्रेष्ठ, खड्गबहादुर बोहरा, मोहम्मद आरिफ अन्सारी, विशाल बर्मा, जुनियर जेसीजका अध्यक्ष विमला श्रेष्ठलगायतको सहभागिता रहेको थियो । कार्यक्रमको सञ्चालन महासचिव माधव वेल्वासेले गर्नु भएको थियो ।