नौ जना थपिए, ३ सय ४ पुग्यो

नेपालगञ्ज – नेपालमा कोरोना संक्रमितको संख्या ३ सय ४ पुगेको छ ।
स्वास्थ्य तथा जनसंख्या मन्त्रालयका अनुसार, सोमबार विहान नौ जना संक्रमित थपिएका छन् । थपिएकाहरु रौतहटका आठ र बाराका एकजना रहेका छन् । मन्त्रालयका सहप्रवक्ता डा. समिरकुमार अधिकारीका अनुसार, रौतहट इशनाथ नगरपालिकाको २, ३, ६ र ९ निवासी २१, २१, २३, २५, २५, २९,र ३० वर्षीय पुरुष, रौतहटकै माधवनारायण नगरपालिका ३ का २८ वर्षीय महिला र बारा करैयामाई ५ निवासी ३८ वर्षीय पुरुषमा संक्रमित देखिएको हो ।
कोरोना पोजिटिभ देखिएका सबैको स्वास्थ्य अवस्थामा सामान्य रहेको छ र उनीहरु स्वास्थ्यकर्मीको सम्पर्कमा रहेका छन् ।