नरैनापुरबाट २ सय ६३ को स्वाव लिइयो

नेपालगञ्ज – नरैनापुरमा शनिबार २ सय ६३ जनाको स्याम्पल संकलन गरिएको छ ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, नरैनापुर गाउँपालिका वडा नं. २ को आदर्श मावि, लक्ष्मणपुरमा ८७, वडा नं. ५ को दिपेन्द्र मावि, भोजभगवानपुरमा ३९, वडा नं. ५ कै नेराप्रावि, हुलासपुरमा ७२ र वडा नं. ६ को जयकिसन मावि, भगवानपुरमा ६५ जनाको स्वाव संकलन गरिएको छ ।
नरैनापुरमा आठ जना संक्रमित फेला परेपछि उनीहरुको सम्पर्कमा रहेकाहरुको शनिबार स्वाव लिइएको हो । अरुको पनि स्वाव लिने तयारी भएको छ । नरैनापुरमा ११ वटा क्वारेन्टाइनमा ६ सय २६ जना बसेका छन् ।