पत्रकारको पोष्टमा गोलैगोल

नेपालगञ्ज – नमस्ते बचत तथा ऋण सहकारी संस्था लिमिटेडले पहिलो शेयर अन्तर शेयर सदस्य मैत्रीपूर्ण फुटसल प्रतियोगिता आयोजना गरेको छ ।
१५ वटा टीमले भाग लिएको प्रतियोगिताको उद्घाटन अघि नमस्तेका सञ्चालक र पत्रकारका बीचमा मैत्रीपूर्ण खेल खेलिएको थियो । मैत्रीपूर्ण खेलमा नमस्तेले पत्रकारको टीमलाई पराजित गर्यो । पत्रकारको टीमले शुरुवाती अग्रता लिएपनि पछि लय बिगार्दा नमस्तेले दनादन गोलको वर्षा नै गरेको थियो ।

मैत्रीपूर्ण खेलमा पत्रकार टोलीले चार गोल गरे । नमस्तेले त्यसको दोब्बर आठ गोल गरेको थियो । प्रतियोगिताको उद्घाटन नेपालगञ्ज उद्योग बाणिज्य संघका अध्यक्ष अब्दुल वाहिद मन्सुरीले गर्नु भएको थियो ।
‘खेल स्वास्थ्यका लागि, खेल मनोरञ्जनका लागि, खेल आत्मीयताका लागि’ नाराका साथ नमस्तेले फुटसल प्रतियोगिता आयोजना गरेको हो । प्रतियोगितामा बागेश्वरी, मनकामना, बंगलामुखी, गढीमाई, जनउत्थान, स्वायम्भु, बुढानिलकण्ठ, पशुपतिनाथ, स्वर्गद्वारी, विन्दवासिनी, बुढासुब्बा, देउतीबज्यै, मुक्तिनाथ, पाथीभरा र नमस्ते सहकारीले भाग लिएका छन् ।