विश्व शान्तिको लागि भजन

नेपालगञ्ज – विश्व शान्तिको लागि नेपालगञ्जमा भजन किर्तन गरिएको छ ।
श्री सत्य साई सेवा संगठन नेपाल र श्री सत्य साई प्रदेश समिति ५ को संयोजनमा श्री सत्य साई केन्द्र नेपालगञ्ज र श्री सत्य साई भजन समूह आदर्शनगर नेपालगञ्जको आयोजनामा भएको भजनकिर्तनमा कोरोना भाइरस निर्मूलीकरणका लागि प्रार्थना गरिएको थियो । विश्व व्यापी रुपमा फैलिएको कोरोरा भाइरस निर्मूलको लागि तथा त्यसबाट पीडित सम्पूर्ण मानिसको सुस्वास्थ्यको कामना गर्दै वेद, पाठसहित विश्व शान्तिका लागि भगवान श्री सत्य साई बाबासँग प्रार्थना गरिएको श्री सत्य साई सेवा संगठन नेपाल काठमाण्डौका आकस्मिक सेवा उपसंयोजक एवं श्री सत्य साई प्रदेश समिति ५ का उपाध्यक्ष अरुण सिंह ठकुरीले जानकारी दिनुभयो ।

नेपालगञ्जको त्रिभुवनचोक पूर्वलाईनमा साढे तीनदेखि पौने ५ बजेसम्म भजन किर्तन, आरती र प्रसाद वितरण गरिएको थियो । भजनमा श्री सत्य साई केन्द्र नेपालगञ्जका अध्यक्ष लिला थापा, श्री साई भजन समूह आदर्शनगरका अध्यक्ष सुलोचना देवलगायतको उपस्थिति रहेको थियो ।