वडा क्रिकेटमा युनाइटेड ग्रुप

नेपालगञ्ज – माघको दोस्रो साताबाट नेपालगञ्जमा हुन लागेको दोस्रो अन्तर वडा स्तरीय क्रिकेट प्रतियोगितामा युनाइटेड ग्रुप अफ कम्पनी जोडिएको छ ।
प्रतियोगिताका संयोजक तरुण वज्रचार्य र युनाइटेड ग्रुपका विजनेस हेड विजय चापागाई विच सम्झौता पत्रमा हस्ताक्षर भएको छ । सम्झौता रकम भने खुलाइएको छैन । युनाइटेडको प्रित ट्याक्टर, सुजुकी कम्पनीको चार पाङ्ग्रे गाडी र वजाजको आरई तीन पाङ्ग्रे गाडी, बिक्री हुने गर्दछ । युनाइटेड ग्रुपका विजनेस हेड विजय चापागाईले ब्यापार मात्र नभई खेलकुदको लागि पनि कम्पनीले आफ्नो दायित्व सम्झेर प्रतियोगितासँग जोडिएको बताउनुभयो ।
द गुप्र अफ सिक्टिन क्लवको आयोजनामा हुन लागेको प्रतियोगिता यस क्षेत्रकै सर्वाधिक राशीको दोस्रो अन्तर वडा स्तरीय क्रिकेट प्रतियोगिताका हो । प्रतियोगिताको तयारी पूरा भएको आयोजक क्लवका अध्यक्ष विष्णु अर्यालले बताउनु भयो ।