एचसीआरसी कप सर्यो

नेपालगञ्ज – नेपालगञ्जमा हुने भनिएको एचसीआरसी कप ब्याडमिन्टन प्रतियोगिताको दोस्रो संस्करण दुई साता पछि सारिएको छ ।
एचसीआरसी अस्पताल नेपालगञ्जले मंगलबार प्रेस बिज्ञप्ती जारी गर्दै सो जानकारी गराएको हो । यसअघि पौष २४ गतेदेखि ३ दिनसम्म सञ्चालन हुने भनिएकोमा बिद्यार्थीको परीक्षालाई मध्यनजर गर्दै दुई साता सारिएको अस्पतालका ब्यवस्थापक रमेश सिटौलाले जानकारी दिनुभयो ।
सिटौलाले माघ ९ गतेदेखि माघ ११ गतेसम्म प्रतियोगिता सञ्चालन हुने बताउनुभयो । अस्पतालको स्थापना दिवसको अवसर पारी २०७४ सालदेखि हरेक बर्ष सो प्रतियोगिताको आयोजना हुदैं आएको छ ।
यसपटक प्रतियोगितामा ६ वटा इभेन्टहरु समावेश गरिएको छ । प्रतियोगितामा जुनियर अण्डर–१३ छात्र, छात्रा, अण्डर १६ छात्र, छात्रा, मिक्स डबल्स र खुल्ला डबल्स गरि ६ वटा इभेन्टहरु रहेका छन् ।
आयोजक संस्थाका अध्यक्ष डा. कुमारशान शाहका अनुसार डबल्स खुल्लातर्फ प्रथम, द्वितीय र तृतीय हुनेलाई ४० हजार २० हजार र १० हजार रुपैयाँ पुरस्कार राखिएको छ । विद्यालय स्तरियतर्फ विजयी हुने खेलाडीलाई पनि खेल सामाग्री र अन्य आकर्षक पुस्कार प्रदान गरिने आयोजकले जनाएको छ ।