पटाका बरामद

नेपालगञ्ज – प्रहरी र राष्ट्रिय अनुसन्धानको टोलीले नेपालगञ्जको चौलिक्काबाट ठूलो मात्रामा पटाका बरामद गरेको छ ।
भारतबाट लुकाएर ल्याउदै गरेको एक लाख बराबरको पटाका चालिक्काको बालेगाउँ जाने बाटोबाट बरामद भएको हो । मोटरसाइकलमा रहेका तस्कर पटाका फालेर भागेका थिए । विवाह, पाटी वा उत्सवहरुमा नेपालगञ्जमा रातीमा मुटु नै थर्किने गरी पटाका पड्काउने गरिएको पाइन्छ । यद्यपि, स्थानीय प्रशासनले पटाका पड्काउन रोक लगाएको छ ।
विशेष गरेर तिहारलाई लक्षित गरी पटाका नियन्त्रण अभियान चलाउने गरिन्छ । पटाका बाह्रैमास भित्रिरहेको हुन्छ । सादा पोशाकमा रहेका प्रहरी र अनुसन्धानको टोलीले चौलिक्का नजिक जाँच गर्न खोज्दा मोटरसाइकलमा रहेका तस्कर पटाका फालेर भागेका थिए ।