यो ज्यान मेरो नेपाल…

नेपालगञ्ज – ‘यो ज्यान मेरो नेपाल, कसरी बेच्न सक्छु म, नेपाली आमा रोएको, कसरी देख्न सक्छु म’ बोलको राष्ट्र प्रेमले ओतप्रोत गीत सार्बजनिक भएको छ ।
मिसन इन्टरटेन्मेण्ट प्रालिको प्रस्तुति रहेको यस गीतमा गीतकार तथा गजलकार महानन्द ढकालको उत्कृष्ट शब्द, स्वर र संगीत वीपी वाग्लेको, भिजुअल ग्राफिक्स निराजन सिंह ठकुरीको रहेको छ भने परिकल्पना तथा निर्देशन नारायण तिमल्सिना ‘गोर्खाली ’ को रहेको छ ।
देश भक्ति गीत संगीतले सम्पूर्ण देशबासी बिच एकता र राष्ट्रियताको भावना उजागर गरेको हुन्छ । यस गीत र भिडियोले अहिलेको नेपालको वास्ताविक अवस्थालाई भिजुअल ग्राफिक्सको माध्यमले सम्झिन र बुझाउन सरल बनाई गीतकार ढकालले बताउनुभयो । अन्य देश भक्ति गिती भिडियो भन्दा अलि फरक स्वाद दिन निर्माण संस्थाले हर सम्भव कोशिस गरेको गायक वाग्ले जानकारी दिनुभयो ।
बिदेशी हस्तक्षेपलाई नसहने र अतिथि देवोभवलाई आत्मसाथ गर्ने हरेक नेपालीको मनको आवाज गीतमार्फत उजागर गरिएको गीतकार ढकालको भनाई छ ।