मतदाता भेट्दै विजयीहरु

नेपालगञ्ज – नेपालगञ्ज उद्योग बाणिज्य संघका निर्वाचित पदाधिकारी र सदस्यहरु मतदातालाई भेट्दै हिडेका छन् ।
निर्वाचित भएपछि खुशीयाली मनाइरहेका उनीहरु मतदाताप्रति आभार प्रकट गर्न घरदैलोमा पुगेका हुन् । संघमा विजयी भएकाहरुले मत माग्दाजसरी घरआँगनमै पुगेर मतदातालाई धन्यवाद दिएका छन् ।
अध्यक्षमा निर्वाचित अब्दुल वाहिद मन्सुरी (चुन्ना) सँगसँगै अन्य पदाधिकारी तथा सदस्यहरुले घरघरमा पुगेर मतदाताप्रति खुशी प्रकट गरेका छन् ।
माघ ११ गते भएको निर्वाचनमा चुन्ना अध्यक्षमा विजयी भएका छन् । उद्योग उपाध्यक्षमा आदेश अग्रवाल, बाणिज्य उपाध्यक्षमा अमित बस्नेत भएका छन् । सदस्यहरुमा हरिलाल न्यौपाने, चिरञ्जीवी ओली, श्यामसुन्दर अधिकारी, विजय भण्डारी, मन्दिरा पाण्डे, धर्मराज अर्याल, टंकबहादुर धामी, भीम रानाभाट, टंकप्रसाद शर्मा, विन्दु चर्तिमगर, विष्णुप्रसाद श्रेष्ठ र टेकबहादुर खड्का विजयी भएका छन् ।
एशोसियट सदस्यमा सञ्जय अग्रवाल र दिपेन्द्र विष्ट, बस्तुगतमा सलाउद्दिन जसगढ र भीम कँडेल (बद्री श्रेष्ठ) निर्वाचित भएका छन् । विजयीहरुको पदास्थपना २५ गते राखिएको छ ।