कारकादौंमा अर्को हाइमाष्ट लाइट

नेपालगञ्ज – नेपालगञ्ज उपमहानगरपालिका वडा नम्बर १८ को कारकाँदोस्थित तेजनगरमा हाइमाष्ट लाइट जडानका लागि शुक्रबार शिलान्यास गरिएको छ ।
वडा अध्यक्ष दिपक वर्माले हाइमाष्टलाइट जडानका लागि शिलान्यास गर्नुभएको हो । वडा कार्यालयको आठ लाख २५ हजारको लागतमा हाइमाष्ट लाइट जडान हुन लागेको हो । वडा अध्यक्ष वर्माले तेजनगरमा चालु आवमा तेजनगरमा २३ लाखको लागतमा सडक कालोपत्रे र दुईवटा सडक पीसीसी गरिएको जानकारी दिदैं थप विकास निर्माणका लागि पहल भइरहेको बताउनुभयो । कारकादौंमा यसअघि वडा कार्यालयको लागतमा २ वटा हाइमाष्ट लाइट जडान भइसकेको छ । स्थानीय अगुवा मोहनलाल डांगीले विकास प्रेमी वडा अध्यक्ष पाएको भन्दै वडाबासीका तर्फबाट सम्मान ब्यक्त गर्नुभयो ।