ट्याब्लेटसहित दुई पक्राउ

नेपालगञ्ज – लागु औषधी नाइट्रोभेट ट्याब्लेटसहित दुई जनालाई पक्राउ गरिएको छ ।
लागु औषध नियन्त्रण ब्यूरोको टोलीले नाकामा रहेको जमुनाहा गाउँ नजिकबाट पर्वतका विष्णु पूर्जा पुन र धादिङका सुजन तामाङलाई ९ सय ९० ट्याब्लेट नाइट्रोभेटसहित नियन्त्रणमा लिएको हो ।
विशेष सुराकीका आधारमा दुवै जनालाई नियन्त्रण गर्दा विष्णुको साथबाट ट्याब्लेट फेला परेको थियो । ब्यूरोका सई सन्जित केसीको कमाण्डमा गएको टोलीले उनीहरुलाई पक्राउ गरेको थियो । उनीहरुलाई इलाका प्रहरी कार्यालय, जमुनाहामार्फत जिल्ला प्रहरी कार्यालय, नेपालगञ्ज पठाइएको छ ।