वडाको सक्रियता बढ्यो

नेपालगञ्ज – कोरोना रोकथाम र नियन्त्रणका लागि नेपालगञ्जमा वडा कार्यालयहरुको सक्रियता बढेको छ ।
उपमहानगरपालिकासँगै वडा कार्यालयले समेत रचनात्मक कार्यक्रम गरिरहेको उपप्रमुख उमा थापा मगरले जानकारी दिनुभयो । उपप्रमुख मगरका अनुसार, वडा नम्बर १ र १८ ले चिकित्सकसहित कोभिड संक्रमित विरामीहरुलाई घरदैलोमा पुगेर स्वास्थ्य उपचार तथा परामर्श सेवा दिएका छन् । वडा नम्बर १३ र १४ मा समेत चिकित्सक सहित कोभिड संक्रमितलाई घरदैलोमै पुगेर सेवा दिइएको छ । वडा नम्बर ३ र ७ मा सेनिटाइजर गरिएको छ । वडा नम्बर २ ले स्वास्थ्यकर्मी माग गरेको छ । केही दिनमै स्वास्थ्यकर्मी सहित घरदैलो कार्यक्रम गरिने भएको छ ।