४४ जनाले कोरोना जिते

नेपालगञ्ज – बाँकेमा शुक्रबार ४४ जना कोरोनामुक्त भएका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, १८ पुरुष र २६ जना महिलाले कोरोनालाई जितेका छन् । शुक्रबार कोरोना जित्नेहरु अधिकांश होम आइसोलेसनमा बसेका थिए । कोरोना लागेपछि घरभित्रैको चौघेरामा बस्न बाध्य भएका उनीहरु शुक्रबार खुल्ला भएका छन् ।
कोरोना जितेसँगै उनीहरुमा तिहारको रमझम शुरु भएको छ । कात्तिक १८ गते कोरोना पुष्टि भएपछि उनीहरु अस्पताल र होम आइसोलेसनमा बसेका थिए ।
बाँकेमा पछिल्लो दिनमा होम आइसोलेसनमा बस्ने धेरै छन् । लक्षण चिन्ह नदेखिएकाहरु घरमै बसेका छन् । जिल्लामा अहिलेसम्म तीन हजार दुई सय ३८ जना कोरोनामुक्त भएका छन् । २ सय ४८ जना कोरोनासँग लडिरहेका छन् ।