८२ वर्ष बृद्धले कोरोना जिते

नेपालगञ्ज – बाँकेमा आइतबार ८२ वर्षका बृद्धले कोरोनालाई जितेका छन् ।
कात्तिक १३ गते कोरोना भएपछि होम आइसोलेसनमा बसेका बृद्धाले कोरोनालाई जितेका हुन् । बृद्ध आज डिस्चार्ज भएका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, जिल्लामा ३७ जना डिस्चार्ज हुँदा बृद्धसमेत परेका हुन् । आइतबार २० पुरुष र १७ महिला डिस्चार्ज भएका छन् ।
जिल्लामा अहिलेसम्म तीन हजार ५९ जना डिस्चार्ज भइसकेका छन् । दुई सय ९८ जना आइसोलेसनमा रहेका छन् । बाँकेमा केही दिनयता डिस्चार्ज हुने र पोजिटिभ भएर आइसोलेसनमा जानेको संख्या उस्तैउस्तै देखिएको छ ।