अटो पार्टसका सामान बरामद

नेपालगञ्ज – नाकामा रहेको जमुनाहा प्रहरीले ठूलो मात्रामा अटो पार्टसका सामान बरामद गरेको छ ।
भे १ ह ३७५१ नम्बरको अटो रिक्सामा राखेर ल्याउदै गरेको ५ लाख बढीको अटो पार्टसको सामान बरामद गरेको हो ।

अटो पार्टसको सामानसहित प्रहरीले तीन जनालाई नियन्त्रणमा लिएको छ । दशैंको मौका छोपेर नेपालगञ्ज वडा नं. १५ स्थित इट्टा भट्टा भएर ल्याउदै गरेको अटो पार्टसका सामान जमुनाहा प्रहरी कार्यालयका इन्चार्ज विष्णु गिरीको नेतृत्वको टोलीले बरामद गरेको जनाएको छ ।
अटो पार्टसको सामानसहित अटो चालक समिम शेख, मोहम्मद रफिक र मोहम्मद फरिकलाई नियन्त्रणमा लिइएको प्रहरीले जनाएको छ ।