दश हजार कटे संक्रमित, बाइस सय डिस्चार्ज

नेपालगञ्ज – नेपालमा कोरोना संक्रमितको संख्या दश हजार ९९ जना पुगेको छ ।
मंगलबार एकै दिन ५ सय ३८ जना थपिएका छन् । थपिनेमा ४ सय ४८ पुरुष र ९० महिला छन् । मंगलबार ७६ जना कोरोना जितेर घर फर्किएका छन् । अहिलेसम्म दुई हजार दुई सय २४ जनाले कोरोनालाई जितेका छन् । नेपालमा कोरोनाबाट २४ जनाको मृत्यु भएको छ ।
सरकारले लकडाउनलाई खुकुलो बनाउदै लगेको बेलामा दैनिक पाँच सय बढी कोरोना संक्रमित बढिरहेका छन् ।