चार सय वटा कुखुरा झ्याप्प

नेपालगञ्ज – प्रहरीले भारतबाट ल्याउदै गरेको दश क्वीन्टल कुखुरा बरामद गरेको छ ।
दश वटा साइकलमा राखेर हिरमिनिया नाकाबाट ल्याउदै गरेको चार सय वटा कुखुरा वडा प्रहरी कार्यालय, नेपालगञ्जको सूचना संकलन टोलीले बरामद गरेको हो ।
वडा प्रहरी कार्यालय, नेपालगञ्जका इन्चार्ज प्रहरी निरीक्षक हरि बस्नेतका अनुसार, गएराती दश बजे साइकलमा राखेर ल्याउदै गरेको चार सय वटा बोइलर कुखुरा बरामद गरिएको छ । प्रहरीलाई देखेपछि तस्कर कुखुरा छोडेर भागेका थिए । बरामद गरिएको कुखुरालाई नष्ट गर्नका लागि क्वारेन्टाइन पठाइएको छ ।
नेपालगञ्जमा भारतीय कुखुरा आउने गरेको यहाँका कुखुरा व्यवसायीहरुले बताइरहने गर्दछन् । जानकारहरुका अनुसार, सुई लगाएर हर्लक्क बढाएका भारतीय कुखुरा छोटी नाकाबाट तस्करले नेपाल भित्र्याउँछन् ।