अपाङ्गमैत्री फुटपाथ बनाउने तयारी

नेपालगन्ज – नेपालगन्ज उपमहानगरपालिकाले अपाङ्गमैत्री फुटपाथ बनाउने भएकाे छ ।
पहिलाे चरणमा वीपीचाेकदेखि धम्बाेझीसम्म अपाङ्गमैत्री फुटपाथ बनाउन ठेक्का सम्झाैता गरिएकाे छ । नेपालगन्जका मेयर प्रशान्त विष्टले करिव ५० लाख रुपैयाँमा ठेक्का सम्झाैता गरिएकाे बताए। याे काम तत्काल नै सुरु गरिने मेयर विष्टले बताए ।
ठेक्काकाे काम सुरु हुनु अघि उपमहानगरपालिकाले अतिक्रमण हटाउन सुरु गरेकाे छ । मेयर विष्ट, प्रमुख प्रशासकीय अधिकृत रामहरि शर्मा अाफै उपस्थिति भएर अतिक्रमण हटाइरहेका छन् । फुटपाथलाई च्यापेर अस्थायी संरचना बनाएकाे थियाे । त्यस्ता संरचनामाथि डाेजर चलाइएकाे छ ।
नेपालगन्जमा फुटपाथ हटाउन नसकेकाे भन्दै मेयरकाे अालाेचना हुँदै अाएकाे छ ।
नेपालगन्ज उपमहानगरपालिकाले अर्काे चरणमा वीपीचाेकदेखि गणेशमानचाेकसम्म अतिक्रमण हटाएर अपाङ्गमैत्री फुटपाथ बनाउने जनाएकाे छ ।