पश्चिम नेपालमै पहिलाे पटक क्यान्सरबारे चिकित्सक सम्मेलन हुँदै

नेपालगन्ज – पश्चिम नेपालमै पहिलाे पटक बाँकेमा क्यान्सर राेगबारेमा चिकित्सक सम्मेलन हुने भएकाे छ ।
बाँकेकाे खजुरामा रहेकाे सुशील काेइराला प्रखर क्यान्सर अस्पताल, खजुराकाे अायाेजना तथा मसकुलाेसकेलेटल अनकाेलाेजी साेसाइटी अफ नेपाल (माेसन) नेपाल र नेपाल अर्थाेपेडिक एशाेसियसन (नाेए) वेष्टर्न च्याप्टरकाे सहकार्यमा मंसिर २६ र २७ गते हड्डी, मांसपेसी तथा छालासम्बन्धी क्यान्सरकाे बृहत् गाेष्ठी तथा चिकित्सकिय सम्मेलन हुने भएकाे हाे ।
खजुरामा उद्घाटन सत्र गर्ने र कार्यपत्र प्रस्तुत कार्यक्रम नेपालगन्जमा गर्ने तयारी गरिएकाे छ ।
कार्यक्रम गर्नका लागि बनाइएकाे अायाेजक समितिका अध्यक्ष एमएसके अनकाेसर्जन डा. गाेपाल पाैडेलले सम्मेलनमा बाँके र अासपासका जिल्लाका सर्जन, प्याथाेलाेजिष्ट अर्थाेपेडिक्स, रेडियाेलाेजिष्ट, मेडिकल अंकाेलाेजिष्ट तथा रेडियसन अंकाेलाेजिष्टलाई अस्पतालकाे सेवाकाबारेमा जानकारी दिने र हड्डी, मांसपेसी तथा छालासम्बन्धी क्यान्सरकाे नयाँ प्रविधि र अभ्यासकाबारेमा छलफल र अाफुले काम गर्दा भाेगेका भाेगाई साटासाट गर्ने बताए । उनले सम्मेलनमा भरतपुर, विराटनगर, काठमाडाैं, दाङ, सुर्खेत, काेहलपुर र नेपालगन्जमा कार्यरत क्यान्सरसम्बन्धी चिकित्सककाे सहभागिता हुने जानकारी दिए ।
सुशील काेइराला प्रखर क्यान्सर अस्पतालका डाक्टर एवं अायाेजक समितिका सचिव क्लिनिकल अंकाेलाेजिष्ट डा. मुकेश यादवले सम्मेलनमा दुई सय जनाकाे सहभागिता रहने र ७ लाख हाराहारीमा खर्च हुने बताए ।
पश्चिम नेपालमै पहिलाे पटक हुन थालेकाे याे सम्मेलनले अस्पतालकाे प्रचार प्रसार र सेवाकाबारेमा जानकारी दिने तथा चिकित्सकले खजुरामा विरामी रिफर गर्ने अाशा गरिएकाे छ । खजुरामा क्यान्सर अस्पताल भएपनि अझै यश क्षेत्रका विरामी भरतपुर, काठमाडाै जाने गरेकाे पाइन्छ ।