मोटरसाइकल दुर्घटनामा शाही र नहरमा डुबेर बस्नेतको मृृत्यु

नेपालगञ्ज – गएराती कोहलपुरमा मोटरसाइकल दुर्घटना हुँदा नेपालगञ्जका सुभास शाहीको मृत्यु भएको छ ।
भे ७ प ७११६ नम्बरको मोटरसाइकलमा रहेका शाही कोहलपुर–११ स्थित बजारमा दुर्घटनामा परेका थिए । दुर्घटनामा गम्भीर घाइते भएका शाहीको मेडिकल कलेजमा उपचारको क्रममा मृत्यु भएको हो । नेपालगञ्ज उपमहानगरपालिका वडा नं. १८, कारकादोका शाही मोटरसाइकल अनियन्त्रित भएर घाइते भएको र उपचारको क्रममा मृत्यु भएको बाँके प्रहरी प्रवक्ता डीएसपी नारायण डाँगीले जानकारी दिनुभयो ।
यसैबीच, सिक्टा नहरमा डुबेर २३ वर्षीया लक्ष्मी बस्नेतको मृत्यु भएको छ । बैजनाथ–३ मा रोपाई सकेर नुहाउने क्रममा बस्नेत नहरमा डुबेकी थिइन् । तत्काल नै उद्दार गरेर कोहलपुर मेडिकल कलेजमा पु¥याएपनि उनको मृत्यु भएको थियो । रोपाई सकेपछि तीन जना नहरमा नुहाउन गएका थिए ।