श्रीमान–श्रीमती मृत फेला

नेपालगञ्ज – बाँकेमा एक दम्पति मृत फेला परेका छन् ।

कोहलपुर नगरपालिका वडा नं. १४, ओढारपुरमा कृष्ण गडरिया र श्रीमती अञ्जली गडरिया मृत फेला परेका हुन् ।

इलाका प्रहरी कार्यालय, कोहलपुरका डीएसपी ऐनबहादुर मल्लले घरभित्रै श्रीमान र श्रीमती मृत फेला परेको जानकारी दिनुभयो । डीएसपी मल्लका अनुसार, कृष्णको दाहिने हातको नाडी काटिएको र श्रीमती अञ्जलीको घाटीमा डोरी थियो । मल्लले हत्या हो कि आत्महत्या हो अनुसन्धान भइरहेको जानकारी दिनुभयो ।

मृतकको शवलाई भेरी अस्पताल नेपालगञ्जमा ल्याइएको छ । घरभित्र कृष्णका दम्पति सुतेका थिए भने छतमा दाइभाउजु थिए । विहान दुवै जना नउठेपछि हेर्दा दुवै मृत देखिएपछि कृष्णका दाइभाउजुले प्रहरीलाई खबर गरेका थिए ।