बांकेमा एमाले र कांग्रेसले तीन/तीन, जसपाले दुई र माअाेवादीले एक वडा जिते

नेपालगन्ज – बांकेका नाै वटा वडाकाे नतिजा अाएकाे छ ।
नाै वटा वडामा एमाले र कांग्रेसले तीन/तीन वडा जितेकाे छ ।
जसपाले दुई र माअाेबादी केन्द्रले एउटा वडा जितेकाे छ ।
एमालेले राप्तीसाेनारी गाउँपालिकाकाे १, २ र ३ नम्बर वडा जितेकाे छ । १ मा यामबहादुर खत्री, २ मा ज्ञानु वली, ३ मा मिनबहादुर थारुले वडाध्यक्ष जितेका छन् ।
नेपालगन्ज उपमहानगरपालिका वडा नम्बर २३ मा जब्बर अलि बेहना, खजुरा गाउंपालिका वडा नम्बर १ मा कांग्रेसका मनबीर खत्री, डुडुवा गाउंपालिका वडा नम्बर १ मा कांग्रेसका पटेश्वर कुर्मी विजयी भएका छन् ।
नेपालगन्ज उपमहानगरपालिकाकाे वडा नम्बर २२ मा अब्दुल गफार हलवाई र जानकी गाउंपालिका वडा नम्बर १ मा जसपाका माे. रज्जा राई विजयी भएका छन् ।
नेपालगन्जमा अहिले वडा नम्वर १, २, २१ काे गणना भइरहेकाे छ । मेयरमा कांग्रेसका प्रशान्त विष्टकाे अग्रता रहेकाे छ ।