न्यू डाँफे र युनाइटेडको जित

नेपालगञ्ज – बाँके जिल्ला लिग फुटबलमा बुधबार युनाइटेड स्पोर्टस क्लब र न्यु डाँफे स्पोर्टस क्लबले जित हासिल गरेका छन् ।
नेपालगञ्ज रंगशालमा युनाइटेड स्पोर्टसले मोडेल टिमलाई १–० ले हरायो । मोडेलका गोलकिपरको छातीमा लागेर आत्मघाती गोल भएको थियो ।
अर्को खेलमा न्यू डाँफेले नवदुर्गा युवा क्लबलाई ३–१ ले पराजित गरेको छ ।
न्यू डाँफेका अर्जुन सुनारले ७ र २३ मिनेटमा गोल गरे । प्रेम सुनारले १३ मिनेटमा गोल गर्दै न्यू डाँफेलाई जित दिलाए ।
नवदुर्गाले खेलको ५ मिनेटमा पेनाल्टी पाएको थियो । त्यसलाई विशाल थारुले सदुपयोग गर्दै गोल गरे ।