बिएन अस्पतालमा कान अप्रेशन शिविर
नेपालगन्ज – नेपालगन्ज उपमहानगरपालिका वडा न.१० स्थित गणेशमान चोकमा रहेको बिएन अस्पतालले आफ्नै अस्पताल परिसरमा कान अप्रेसन शिविर राखेकाे छ । शिविरकाे पहिलो दिन १ सय ५५ जनाले चेकजाँच गराएका छन् ।
उक्त कान अप्रेसन शिविर बिएन कम्यूनीटी ईयरकेयर सर्भिसद्वारा संचालित बिएन अस्पतालको आयोजना र ब्रिनोज युकेको सहकार्यमा भएको कान अप्रेशन शिविर चैत्र २ देखि १८ गते सम्म चल्ने बिएन अस्पतालका प्रबन्ध संचालक रामबहादुर बोहराले बताउनु भयो ।
पहिलो दिनको कान अप्रेसन शिविरमा ५५ बर्षका बृद्धादेखि १० वर्षका बालबालिकासम्मका चेकजाँचमा अधिकांशको कानमा काने गुजी भरीएको, केही कान कम सुन्ने, धेरैको कानको जाली समस्या र हड्डी खाने समस्या भएका बिमारीहरुलाई सहुलियत दरमा शल्यक्रिया गर्ने अस्पतालका प्रवन्ध सञ्चालक बोहराले जानकारी गराउनु भयो ।
