भरुवा बन्दुक बरामद

नेपालगञ्ज – राप्तीसोनारी गाउँपालिका वडा नं. ५, चाचरफर्कस्थित कन्या राजा सामुदायिक वनमा भरुवा बन्दुक फेला परेको छ ।
सोही सामुदायिक वनका चौकीदार माघु थारुले देखेर प्रहरीलाई खबर गरेपछि इलाका प्रहरी कार्यालय, बैजापुरबाट गएको प्रहरी टोलीले बन्दुकलाई नियन्त्रणमा लिएको हो ।
एक नाले भरुवा बन्दुक बेवारिसे अवस्थामा थियो ।
चोरी शिकारीले बन्दुक लुकाएर राखेको आकलन गरिएको छ । प्रहरीले यसबारेमा अनुसन्धान गरिरहेको जनाएको छ ।