भारतबाट दाेस्राे लटकाे सामान अायाे
नेपालगञ्ज – भारत सरकारले जाजरकोट र रुकुम पश्चिमका भुकम्प प्रभावितलाई पठाएको सामाग्री नेपालगञ्ज आइपुगेको छ। यो दोस्रो लटको सामान हो। आइतबार एक लट सामान आएको थियो।
भारतको पटनाबाट आएको इण्डियन एयरफोर्सको विमानमा सामान नेपालगञ्ज ल्याइएको छ।
राहत सामग्रीमा औषधि, टेन्ट, स्लिपिङ ब्याग, त्रिपाललगायतको सामान रहेको छ। आइतबार आएको सामान आज जाजरकोट र पश्चिम रुकुम पठाइएको थियो।
