यु-१६ खेलाडी छनाैट चल्दै

नेपालगञ्ज – बांकेमा साफ यु-१६ खेलाडी छनाैट भइरहेकाे छ ।

जिल्लाकाे तीन ठाउंबाट पहिलाे चरणमा खेलाडी छनाैट थालिएकाे हाे । काेहलपुर र नेपालगञ्जमा छनाैट गरिसकिएकाे छ भने खजुरामा हुंदैछ ।

प्रशिक्षक युवराज शाहीका अनुसार, काेहलपुरमा ७० जना उपस्थित भएकाेमा १२ जनालाई छनाैट गरिएकाे छ । नेपालगञ्जमा ३५ जना उपस्थित भएकाेमा १५ जनालाई छनाैट गरिएकाे छ । खजुरामा छनाैट गरेपछि उनीहरुलाई नेपालगञ्जमा राखेर जिल्ला छनाैट गर्ने एन्फाका केन्द्रीय सदस्य एवं बांके जिल्ला फुटबल संघका अध्यक्ष भाेजराज शाहीले जानकारी दिनु भयाे । जिल्लामा छनाैट भएकालाई प्रदेश छनाैटमा पठाइने छ । प्रदेशबाट फेरि छानेर देशकाे टीम बनाइने छ ।