अर्जेन्टिनालाई बिश्वकप फुटबलकाे उपाधी

नेपालगञ्ज – बिश्वकप फुटबल प्रतियाेगिताकाे उपाधी अर्जेन्टिनाले जितेकाे छ । कतारमा भएकाे प्रतियाेगिताकाे फाइनलमा फ्रान्सलाई टाइब्रेकरमा ४-२ गाेलले पराजित गर्दै अर्जेन्टिनाले उपाधी जितेकाे हाे । याेसंगै अर्जेन्टिनाले तेस्राे पटक बिश्वकप जितेकाे छ । निर्धारित समयमा ३-३ गाेल भएकाे थियाे । मेसी र डिमारियाकाे गाेलले मध्यान्तर अघि अर्जेन्टिनाले २ गाेलकाे अग्रता बनाएपनि एम्बाप्पेले दुई गाेल गरेपछि खेल बराबरी भएकाे थियाे। ३० मिनेट थपिएकाे खेलमा पुनः अर्जेन्टिनाले मेसीकाे गाेलले अग्रता लिएपनि एम्बाप्पेले गाेल गरेपछि खेल बराबरीमा टुंगिएकाे थियाे । टाइब्रेकरमा अर्जेन्टिना ४-२ गाेलले विजयी भयाे ।