अरनिको, कोहलपुर बागेश्वरी, शुभकामना र ड्रिमल्याण्ड सेमिफाइनलमा

नेपालगञ्ज – बज्रदल गण, इमामनगर ब्यारेक राँझाले आयोजना गरेको स्कूलस्तरीय फुटबल प्रतियोगितामा अरनिको इङलिस मिडियम, कोहलपुर बागेश्वरी इङलिस मिडियम, शुभकामना एकेडेमी र ड्रिमल्याण्ड इङलिस मिडियम स्कूल सेमिफाइनलमा पुगेका छन् ।

यी चार वटा स्कूल आ–आफ्नो समूहबाट खेल जित्दै सेमिफाइनलमा पुगेका हुन् । फाइनल प्रवेशका लागि मंगलबार अरनिको र कोहलपुर बागेश्वरी तथा शुभकामना र ड्रिमल्याण्डले प्रतिस्पर्धा गर्दैछन् ।

सोमबार चार वटा खेल भएका थिए । पहिलो खेलमा बागेश्वरी एकेडेमीले कर्णाली इङलिस मिडियम स्कूललाई २–० गोलले पराजित ग¥यो । दोस्रो खेलमा अरनिकोले बालज्योती सेकेन्डरी स्कूलविरुद्ध एकतर्फी जीत निकाल्यो । अरनिकोले बालज्योतीलाई ५–० गोलले हरायो । तेस्रो खेलमा शुभकामनाले पञ्चमुखी इङलिस मिडियम स्कूललाई २–० गोलले पराजित ग¥यो । चौथो खेलमा ड्रिमल्याण्डले संघर्षपूर्ण जीत
निकाल्यो । उसले बागेश्वरी एकेडेमीलाई १–० गोलले पराजित ग¥यो ।

नेपाली सेनासँग सूचीकृत भएका बाँके र बर्दियाका स्कूलका बीचमा प्रतियोगिता गराइएको छ । बाँके र बर्दियामा यस्ता १६ वटा स्कूल छन् । प्रतियोगितामा ११ वटाले भाग लिएका छन् । बज्रदल गणले सेनासँग सूचीकृत भएका विद्यालय र एन्फा लुम्बिनीको सहकार्यमा प्रतियोगिता आयोजना गरेको हो । प्रतियोगितालाई रनिङ शिल्डको रुपमा अगाडि बढाउने बताइएको छ ।