दुई फरार अभियुक्त पक्राउ
नेपालगञ्ज – बाँके प्रहरीले दुई जना फरार अभियुक्तलाई पक्राउ गरेर जिल्ला अदालतमा बुझाएको छ ।
प्रहरीले कुटपिट मुद्दामा फरार रहेका नेपालगञ्ज उपमहानगरपालिका वडा नं. २० का शिवा कुर्मी बर्मालाई पक्राउ गरेको छ । बर्मालाई जिल्ला अदालतले २०७९ बैशाख १३ गते तीन महिनाको कैद सजाय सुनाएको थियो ।
त्यस्तै, गाली बेज्जती मुद्दामा अदालतले ६ महिना कैद सुनाएका नेपालगञ्ज उपमहानगरपालिका वडा नं. २० का बलिराम कुर्मीलाई पक्राउ गरेको छ । बलिरामलाई जिल्ला अदालतले गाली बेज्जति मुद्दामा ६ महिना कैद सजाय सुनाएको थियो ।
