वडा नं. १२ मा हेमराज गौतम (हरि)को निरन्तर घरदैलो

नेपालगञ्ज – नेकपा एमाले नेपालगञ्ज उपमहानगरपालिका वडा नं. १२ का उम्मेदवारले निरन्तर घरदैलो गरिरहेका छन् ।

वडाध्यक्षका उम्मेदवार हेमराज गौतम (हरि), सदस्यहरु इतादेवी अर्याल शर्मा, प्रदीपकुमार सापकोटा, प्रमात्माप्रसाद बर्मा र विन्दु विकको टोलीले केही दिनदेखि निरन्तर घरदैलो गरिरहेको हो । कोरियनपुरका चर्चित युवा हेमराज (हरि) ले पार्टीबाट टिकट मिल्ने वित्तिकै घरदैलो र भेटघाटलाई तिब्र पारेका हुन् ।

हरिको टोलीले शुक्रबार विहान फूलबारीटोल, स्वर्गद्वारीटोल र साँझ बेलासपुरमा घरदैलो गरेको छ । घरघरमा पुग्दा स्थानीयले न्यानो स्वागत गरेको गौतमको भनाई छ । बेलासपुरको कार्यक्रममा मेयरका उम्मेदवार पशुपतिदयाल मिश्र र उपमेयरका उम्मेदवार शान्ति ढकालले पनि घरदैलो गरेका थिए ।