रेडपाण्डाको छाला र चरेशसहित ६ जना पक्राउ

नेपालगञ्ज – बाँके प्रहरीले रेडपाण्डाको छाला र चरेशसहित ६ जनालाई पक्राउ गरेको छ ।
नेपालगञ्जको नर्सिङहोम अगाडिको एक होटलबाट दुई थान रेडपाण्डाको छालासहित चार जनालाई पक्राउ गरेको छ । डोल्पाका शुकराम विक, विकेश बोहरा, रामकृष्ण शाही र हर्कबहादुर विकलाई प्रहरीले रेडपाण्डाको छालासहित पक्राउ गरेको हो ।
त्यस्तै, प्रहरीले पुष्पलालचोकस्थित एक होटलबाट दुई किलो चरेशसहित दुई जनालाई पक्राउ गरेको छ । पक्राउ पर्नेमा कालिकोटका प्रवीण शाही र नेपालगञ्जका राज कार्की रहेका छन् । बाँके प्रहरीले घटनाको विस्तृत जानकारी पत्रकार सम्मेलन गरेर दिने जनाएको छ ।